Маңғыстау облысының әмбебап кітапханасы : Жаңалықтар : «Өлеңім, мұңдасым ең, сырымды аштың ...» поэзия кеші. М. Іңірбаев 70 жаста.

«Өлеңім, мұңдасым ең, сырымды аштың ...» поэзия кеші. М. Іңірбаев 70 жаста.

0
Оқылған саны: 1412

16 қыркүйек күні облыстық кітапханасында ақын, жазушы, Халықаралық «Алаш» әдеби сыйлығының лауреаты Мырзағали Іңірбаевтың шығармашылығына арналған «Өлеңім, мұңдасым ең, сырымды аштың ...» атты поэзия кеші өтті. Кешті Маңғыстау облысының мәдениет, архивтер мен құжаттама басқармасының басшысы Сармурзина Пәния Оңалбайқызы ашты. Поэзия кешіне қала, аудан мектептері белсене қатысты. Атап айтсақ: ІТ мектеп-лицей оқушылары, №19 мектеп-гимназия оқушылары, М. Әуезов атындағы №20 орта мектеп оқушылары, Мұнайлы ауданы, №2 орта мектептің жоғарғы сынып оқушылары, Болашақ колледжінің студенттері. Кеште ақынның «Шабыт», «Бетпе-бет», «Ақын», «Рухың асқақ, туған ел!», «Күз суреті», т.с.с. өлеңдері оқылды. Кеш соңында «Дәуірім, қуанышым, қайғым да - сен...» атты көрме таныстырылып, ақын өз қолынан белсене қатысқан оқушылар мен ұстаздарға мекеме атынан алғыс хаттар берілді. Бұл шараға М. Өскінбаев атындағы Маңғыстау облыстық филармониясы және өнер колледжінің студенттері де өз үлесін қосты.

✅Шараның мақсаты: Өлке ақын-жазушыларының өмір жолы мен шығармаларымен танысу.Туған жерін сүюге тәрбиелеу. #поэзиякеші #өлкетану #маңғыстау #ақын